लागुऔषध सहति सशस्त्रका जवान पक्राउ

धनगढी । लागुऔषध सहति सशस्त्र प्रहरीका जवानलाई प्रहरीले पक्राउ गरेको छ ।

धनगढी उपमहानगरपालिका वडा नम्बर ३ घर भएका सशस्त्र प्रहरी जवान ब्राउन सुगर सहित आर आइटीको फन्दामा परेका हुन् । शनिबार साँझ पुनर्वास नगरपालिका १० दोदा पुलबाट नेपाल प्रहरीको सुदूरपश्चिम प्रदेश अनुसन्धान समूह -आरआइटी_ ले उनीसहित २ जनालाई पक्राउ गरेको हो ।

पक्राउ पर्नेमा कैलालीको धनगढी उपमहानगरपालिका ३ का २८ वर्षीय प्रदिप पाख्रीन र सोही ठाउँका ३२ वर्षीय विकल मगर रहेका छन् । प्रदिप दार्चुलामा कार्यरत सशस्त्र प्रहरी जवान रहेको खुलेको प्रहरी स्रोतले बताएको छ । उनीहरु सवार सुपप्र ०२००३ प ६४३१ नम्बरको मोटरसाइकल चेकजाँच गर्दा एक ग्राम लागुऔषध फेला परेको प्रहरीले बताएको छ ।