धनगढी २ मा डेङ्गो रोग नियन्त्रणका लागी गरियो लार्भा नष्ट गर्ने अभियान

धनगढी । धनगढी उपमहानगरपालीका वडा नम्बर २ मा डेङ्गो रोग नियन्त्रण सम्बन्धि लार्भा नष्ट गर्ने अभियान गरिएको छ । धनगढी २ मा सुपर परियोजना र धनगढी उपमहानगरपालिकाको साझेदारी र सिइआरटीसमूह मिलनचोकको आयोजनामा डेङ्गो रोग नियन्त्रण तथा रोकथामका लागी लामखुट्टेको बासस्थान खोजी लार्भा नष्ट गर्ने अभियान गरिएको हो ।

डेङ्गो नियन्त्रण सम्बन्धि जनचेतनामूलक ¥यालीसहित घरदैलो कार्यक्रम धनगढी २ को तिल्के ताल देखी पुर्वे टोलसम्म लार्भा नष्ट गर्ने अभियान संचालन गरिएको सिइआरटी समूहकी संयोजक लिला तिमील्सेना पोख्रेलले बताईन् । करिब एक हप्ता देखी नै यो अभियानमा जारी छ । उनले अभियान सहभागीमा टोली प्रत्येक घरमै पुगेर पानी जम्न सक्ने भाँडा, गमला, फूलदानी, खाली बट्टा, खाली ड्रम, गाडीका काम नलाग्ने टायरमा पानी जम्न नदिन आग्रह गरिएको जानकारी दिइन् ।

साथै लामखुट्टेको वासस्थान मास्न लगाइएको थियो । उनले वडा नम्बर २ को मुस्लीम समुदायमा बढी जसो लामखुट्टेको बासस्थान र लामखुट्टेको लार्भा भेटिएकोले नष्ट गरिएको र सचेतना समेत दिइएको बताइन् ।