मध्यरात सम्म मदिरा सेवन, त्यस पछि हत्या

धनगढी । कञ्चनपुरका ३५ वर्षीय कुवेर दमाईको हत्या आरोपमा प्रहरीले २ जनालाई  पक्राउ गरेको छ ।

हत्या आरोपमा पक्राउ परेका दुवै जना नाताले कुवेरका भतिजा र मामा पर्छन् । जिल्ला प्रहरी कार्यालयका डिएसपी प्रकाश डाँगीका अनुसार पक्राउ पर्नेमा कञ्चनपुरको कृष्णपुर नगरपालिका–२ बाणीका २२ वर्षीय अजय दमाई र २८ वर्षीय हरिश दमाई रहेका छन् ।

प्रहरीका अनुसार पक्राउ परेका अजय मृतक कुवेरका भतिज हुन् भने हरिश भान्जा हुन् । डिएसपी डाँगीका अनुसार साउन १५ गते कुवेर, अजय र हरिशले वाणि स्थित बन्द नदी किनारमा बसेर अबरे राती सम्म मदिरा सेवन गरेका थिए । मानिस सुत्ने वेला अर्थात रातको १० बजे नदी किनार पुगेका तीनै जनाले मदिरा सेवन गरेपछि कुवेरको हत्या भएको पाइएको डिएस्पि डागीको भनाई छ । ‘अनुसन्धान गर्दै जदा मदिरा सेवन पछि अजय र हरिश विच घरायसी विबादका विषयमा कुरा भएको देखिन्छ,’ डिएस्पि डागीले भने, ‘त्यही कुराले उग्र रुप लिदा कुवेरले ज्यान गुमाउनु परेको हो ।’

कुवेरले प्रायः मापसे गरी घरमा आमा–बुवालाई दुःख हैरानी दिने गरेको भन्दै भतिज र भान्जाले सम्झाउन खोजेको प्रहरीसमक्ष भनेका छन् । नदी किनारमा भतिज र भान्जाले सम्झाएर घरमा दुःख नदिन भनिरहँदा विवाद सुरू भएको डिएसपी डाँगीले बताए । करिब ११ बजेपछि विवादले उग्र रूप लिएपछि भतिज अजय र भान्जा हरिशले कुवेरमाथि कुटपिट गरेको प्रहरीले जनाएको छ ।

दुई जनाले कुवेरमाथि हातले, खुट्टाले हिर्काएर बगरमा रहेको ढुंगाले टाउकोमा हिर्काएर हत्या गरेको डिएसपी डाँगीले बताए। त्यसरी हिर्काएपछि कुवेरको घटनास्थलमै मृत्यु भएको अनुसन्धानले देखाएको छ ।

कुवेरको मृत्यु भएपछि घटनापछि कोही कसैले थाहा नपाउन अजय र हरिशले कुवेरको शव सोही ठाउँमा खाडल खनेर पुरेका थिए । कुवेरको शव घटना भएको चार दिनपछि बिहीबार फेला परेको थियो। स्थानीयले नदी किनारमा शव गाडिएको जस्तो देखेपछि प्रहरीलाई खबर गरेका थिए ।