भीमदत्त राजमार्ग पहिरोले अवरुद्ध

धनगढी । कैलालीको चुरे क्षेत्रमा पहिरो जाँदा सुदूरपश्चिमका ७ वटा पहाडी जिल्ला जोड्ने यातायात सुवा अबरुद्ध बनेको छ । सुदूरपश्चिमको पहाडी जिल्ला जोड्ने भिमदत्त राजमार्ग खानीडाडाँ र बुढीतोला क्षेत्रमा पहिरोले सडक भत्कीए पछि यातायात सेवा अबरुद्ध बनेको हो । सोमबार गतराती परेको भारी बर्षले कालोपत्रे सडक भत्कीएको छ भने धेरै ठाउँमा पहिरो गएको प्रदेश प्रहरी कार्यालय अत्तरियाले जनाएको छ ।

सुदूरपश्चिमका पहाडी जिल्ला डडेल्धुरा, अछाम, डोटी बाजुरा, बैतडी, बझाङ र दार्चुला आउने र पहाडबाट तराईका जिल्ला कैलाली, कञ्चपुर र काठमाण्डौ जाने यातायातका सधान बाटोमै रोकिएका छन् ।

हजारै यात्रुहरु बिचबाटोमै अलपत्र परेको भण्डारीले बताए । धेरै ठाउँमा पहिरो गएर सडक नै भासिएकाले सुचारु हुन केही दिन नै लाग्न सक्ने देखिएको छ ।