बाढीको क्षतिपुर्ति दिन्छौं : मुख्यमन्त्री शाह

धनगढी । सुदुरपश्चिमका मुख्यमन्त्री कमल बहादुर शाहले कैलाली जिल्लाका बाढी प्रभावित विभिन्न पालिकाहरुहको निरीक्षण गरेका छन् । मुख्यमन्त्री शाहले जिल्लाका कैलारी गाउपालिका, भजनी नगरपालिका, टीकापुर नगरपालिका, जानकी गाउपालिका, टीकापुर नगरपालिका र लम्कीचुहा नगरपालिकाका बाढी प्रभावित क्षेत्रको निरीक्षण गरेका हुन् ।

भौतिक बिकास मन्त्री प्रकाश देउवा र आन्तरिक मामिला तथा कानुन मन्त्री शिवराज भट्ट  सहित गएका गएका मुख्यमन्त्री शाहले बाढी प्रचावितहरुसँग पनि भेटघाट गरेका छन् ।

 कैलारी गाउपालिकामा वडा नम्बर ७ का बड्का बसन्ता र छोट्की बसन्ताका बाढीबाट बिस्थापित क्षेत्रको मुख्यमन्त्री सहितको टोलीले निरीक्षण गरेको कैलारी गाउपालिकाका अध्यक्ष राजसमझ चौधरीले बताए । टोलीले कैलारीको वार्ड नम्बर ६ र ४ जोड्ने घुरही  नदीको पनि निरीक्षण गरेका छन् । घुरही  नदीको छेउको माटो कटान भएर  एक छेउ भास्सिएर पुलमा क्षति पुगेको छ ।  पुलमा क्षति पुगेपछि अहिले ठुला सवारी साधन चल्न  सकेका छैनन् ।  वडा नम्बर ३ मोहनपुरको मोहना नदीको कटान पनि टोलीले निरीक्षण गरेको छ ।

अध्यक्ष चौधरीका अनुसार मुख्यमन्त्री शाहले बाढीबाट बिस्थापितहरु र अन्य क्षतिको बिबरण जिल्ला प्रशासन कार्यालयमा बुझाउन आगह गर्दै त्यसका आधारमा प्रदेश सरकारले बाढीको क्षति उपलव्ध गराउने बताए ।  ‘पालिकाको क्षतिको बिबरण संकलन गरेर  प्रशासनमा पठाउनुस् ।’ मुख्यमन्त्री शाहको भनाई उदृत गर्दै पालिका अध्यक्ष चौधरीले भने ‘ प्रदेश सकारले क्षतिपुर्ति दिन्छ ।’

 घुरही नदीको पुल संचालनका लागि आवश्यक काम पनि अघि बढाउने प्रतिवद्धता पनि मुख्यमन्त्री शाहले व्यक्त गरेका छन् ।

 त्यस्तै मुख्यमन्त्री शाहले टीकापुर नगरपालिका र जानकी गाउँपालिकाका बाढी प्रभावित क्षेत्रको पनि  अनुगमन गरेका छन् ।  सो क्रममा रानी जमरा कुलरिया सिंचाई आयोजनका प्रमुखलाई मुख्यमन्त्री शाहले बाढीका कारण भएको कटान क्षेत्रमा तत्काल तटबन्ध बनाउन निर्देशन दिएका छन् ।   मुख्यमन्त्री शाहले  सो क्षेत्रका बाढी प्रभावितहरुसँग  पनि भेटघाट गरेका छन् ।