सामुहिक कुटपिटमा संलग्न भएको आरोपमा बाजुरामा एक जना पक्राउ

धनगढी । सामुहिक रुपमा दुई जना युवकलाई कुटपिट गरेको आरोपमा बाजुराबाट प्रहरीले एक जनालाई पक्राउ गरेको छ । कृष्ण्जन्माष्टमि वर्तमा दिन बाजुराको खप्तड छेडेदह गाउँपालिका स्थित छेडेदह तालमा आयोजित वृक्षारोपण कार्यक्रममा दुई जना युवकमाथी सामुहिक कुटपिट भएको थियो ।

कुटपिटमा परी बाजुराको बुढिगंगा नगरपालिका–६ का राजकुमार नाथ र अछामका दर्शन शाही घाइते भएका थिए । जिल्ला प्रहरी कार्यालयका प्रमुख प्रहरी नायब उपरीक्षक कवीन्द्र बोहराका अनुसार कुटपिटमा संलग्न रहेको आरोपमा

खप्तडछेडेदह गाउँपालिका–७ का अर्जुन रावतलाई नियन्त्रणमा लगेर छानविन भइरहेको छ । सोही घटनामा संलग्न रहेको भनदै थप ७ जनाको नाममा पनि किटानी सहतिको जाहेरी दर्ता भएको प्रहरी नायव उपरिक्षक बोहराले बताए ।