दृष्टि फाउण्डेनशमा गेटा आखा अस्पतालद्धारा निःशुल्क आखा परिक्षण

धनगढी । बिश्व दृष्टि दिवस बिहीवार धनगढीमाद विविध कार्यक्रम सहित मनाइएको छ । नेपाल नेत्रज्योति संघ कैलाली  र गेटा आखा अस्पतालको आयोजनामा धनगढी उपमहानगरपालिकाबाट बुद्धमन्दिरसम्म  रयाली निस्किएको छ ।

रयालीपछि आयोजित सभामा नेपाल नेत्रज्योति संघ सुदुरपश्चिम समितिका सचिव भुपेन्द्र थापाले  आखाको उपचारलाई सहज बनाउन र प्रदेशमा धेरैलाई सेवा दिन नेत्रज्योति संघ प्रतिवद्ध रहेको बताए ।

 आखा अति संवेदनशील अंग रहेको र त्यसमा आउने समस्याको निदानका लागि   आखा अस्पतालले अस्पतालमै र शिविर संचालन गरेर सेवा दिइरहेको सचिव थापाले बताए ।

 गेटा आखा अस्पतालका बाह्य सेवा प्रमुख रमेश भट्टले गत आर्थिक बर्ष २०७९।८० मा अस्पताल र अन्तरगतका कार्यक्रमबाट २ लाख ७० हजार ४ शय ९६ जनाको आखा उपचार गरेको, जसमध्य २४ हजार ७ शय ८७  जनालाई शल्यक्रिया सेवा प्रदान गरिएको बताए ।

आखा उपचार सेवामा पहुच बढाउन आखा अस्पतालले प्रदेशमा ३ सेकेण्ड्री लेभलका अस्पताल, २ सर्जिकल सेन्टर  १८ आखा उपचार केन्द्र गरि २३ शाखाबाट सेवा प्रदान गरिरहेको छ ।

  नेत्रज्योति संघ कैलालीका अध्यक्ष लोकराज जोशीको अध्यक्षतामा भएको उक्त कार्यक्रममा स्वागत मन्तव्य संघका उपाध्यक्ष यज्ञ चौधरीले व्यक्त गरेका थिए । कार्यक्रम संचालन संघका सचिव नरेन्द्र शर्माले गरेका थिए ।

 संघले दृष्टि दिवसकै अवसरमा दृष्टि फाउण्डेशनमा रहेका महिलाहरुको निःशुल्क आखा जाच गरेको छ र  चश्मा पनि निःशुल्क प्रदान गरेको छ । आवश्यक परेकालाई अप्रेशन पनि निःशुल्क गरिने संघका प्रदेश सचिव थापाले बताए ।  दृष्टि दिवसमा बुद्ध मन्दिरमा आखा जाच गराउनेलाई दर्ता शुल्क निःशुल्क गरिएको छ ।