कैलाली, कञ्चनपुरका ७ उद्योगविरुद्ध मुद्दा दायर

धनगढी । खाद्य ऐन अनुसार सञ्चालन नभएका कैलाली, कञ्चनपुरका ७ वटा उद्योग विरुद्ध खाद्य, प्रबिधी तथा गुण नियन्त्रण कार्यालय धनगढीले ७ नमूना उपर मुद्धा दायर गरेको ट ।

खाद्य, प्रबिधि तथा गुण नियन्त्रण कार्यालयले कार्यालयले धनगढीमा आयोजना गरेको आर्थिक बर्ष २०८०/८१ को प्रथम त्रैमासिक अवधिको प्रगति बिवरण अनुसार जिल्ला प्रशासन कार्यालय कैलाली र कञ्चनपुरमा २/२ तथा कैलाली जिल्ला अदालतमा २ र कञ्चनपुर जिल्ला अदालतमा १ गरी जम्मा ७ वटा प्रतिकुल नमुना उपर मुद्धा दायर गरिएको हो ।

कार्यालय प्रमुख नवराज दाहालले गत आर्थिक बर्ष देखी लगत सरि आएका ३० उद्योगी ब्यवसायीहरुसँग बयान लिने र जिल्ला सरकारी वकील कार्यालयबाट निर्णय निकासा लिने कार्य अघि बढेको जानकारी दिए । सो अवधिमा २९ वटा खाद्य उद्योगको दर्ताको सिफारिस, १४ वटा खाद्य उद्योग र १ वटा दाना उद्योगको अनुज्ञापत्र सालवसाली नविकरण र ३ वटा खाद्य र १ दाना उद्योगको नयाँ अनुज्ञापत्र जारी गरिएको बताइएको छ । ४३ पटक खाद्य तथा दाना उद्योगको खाद्य निरिक्षक तथा संयुक्त बजार अनुगमन गरिएको खाद्य प्रबिधी तथा गुण नियन्त्रण कार्यालय धनगढीका प्रमुख दाहालले जानकारी दिए ।

खाद्य पदार्थको स्वच्छता र गुणस्तर नियमन तर्फ त्रैमासिक अवधीमा खाद्य निरिक्षक तथा संयुक्त बजार अनुगमन टोलीद्धारा खाद्य बजारको १ सय १ पटक तथा होटल रेष्टुरेण्टको ६९ पटक अनुगमन गरिएको छ । खाद्य प्रबिधी तथा गुण नियन्त्रण डिभिजन कार्यालयहरु डडेल्धुरा, डोटी र बैतडीबाट क्रमशः २०, ६० र १५ पटक खाद्य बजार र १७, ६ र १० पटक होटल रेष्टुरेण्टको अनुगमन भएको छ । यस्तै सुदुरपश्चिम क्षेत्रमा बिभिन्न श्रोतबाट संकलन हुन आएका ८ सय ६६ वटा खाद्य तथा दाना नमूनाहरुको बिश्लेषण गरिएको कार्यालय प्रमुख दाहालले जानकारी दिए ।