कैलालीमा  लागु औषध सहित ५  जना पक्राउ

धनगढी । कैलालीमा लागु औषध  सहित प्रहरीले पाच  जनालाई पक्राउ गरेको छ । प्रहरीले आइतबार टीकापुरबाट दुई जना  र सोमबार गोदावरी नगरपालिकाबाट दुई जनालाई लागु औषध सहित पक्राउ गरेको हो ।

कैलाली जिल्ला प्रहरी टोलीले विशेष सूचनाका आधारमा सोमबार पाँच ग्राम लागु औषधी सहित गोदावरीमा दुई जना पक्राउ गरेको हो । प्रहरीका अनुसार पक्राउ पर्नेमा गोदावरी नगरपालिका वडा नम्बर १ बस्ने अन्दाजी २९ वर्षिय भरत बहादुर खत्री र २५ वर्षिय विकास कट्टेल रहेका छन् ।

‘बिशेष सुचनाको आधारमा कार्यालयबाट सादा पोसाकमा खटिएको प्रहरी टोलीले शंका लागी चेकजाँच गर्दा उनीहरुबाट पाँच किलो दुई सय ५० ग्राम ग्राम लागु औषध खैरो हिरोइन बरामद गरेको हो’ जिल्ला प्रहरी कार्यालयका प्रहरी निरिक्षक गणेश नाथले भने ।

त्यस्तै कैलालीको टीकापुरबाट लागुऔषध सहित तीन जना पक्राउ परेका छन् । जिल्लाको टीकापुर नगरपालिका–१ बनगाउँबाट आइतवार साँझ ८ सय ८० मिलिग्राम लागुऔषध सहित सोही नगरपालिका–३ शंकरपुरका २५ वर्षीय कमल श्रीपाईली समेत ३ जनालाई प्रहरीले पक्राउ गरेको हो ।

इलाका प्रहरी कार्यालय टीकापुरबाट खटिएको टोलीले उनीहरूलाई लागुपदार्थ सहित पक्राउ गरेको जनाएको छ ।

प्रहरी नियन्त्रणमा रहेका उनीहरुमाथि थप अनुसन्धान भइरहेको प्रहरीले जनाएको छ ।