१० बर्षमा कैलालीको ४ हजार हेक्टर खेतियोग्य जमिट घट्यो

धनगढी । तिब्र बसाई सराई र खेतियोग्य जमिन खण्डिकरण गर्ने परिपाटि बढ्दै जाँदा कैलालीमा खेतियोग्य जमिन घटेको छ ।

राष्ट्रिय तथ्याङ्क कार्यालयले गरेको कृषि गणना अनुसार कैलालीमा १० बर्षको अवधिमा ४ हजार २ सय ४४ हेक्टर खेतियोग्य जमिन  घटेको छ । राष्ट्रिय कृषि गणना २०६८ अनुसार कैलालीमा ५७ हजार एक सय ९२ हेक्टर जमिनमा धान खेति हुने गरेको थियो । तथ्याङ्क कार्यालयले २०७८ मा गरेको कृषि गणना अनुसार हाल कैलालीमा ५२ हजार ९ सय ४८ हेक्टर जमिनमा मात्रै धान खेति हुने गरेको छ ।

२०७८ को कृषि गणना अनुसार कैलालीमा २ हजार ९ सय ४३ हेक्टर जमिनमा मकै खेति हुनेगरेको छ, भने, ४० हजार एक सय ७५ हेक्टर जमिनमा  गहुँखेति हुने गरेको छ । कैलालीको एक हजार ९ सय ६४ हेक्टर क्षेत्रफल जमिनमा तरकारी खेति हुने गरेको छ । कैलालीमा २०६८ को तुलनामा तरकारी खेति पनि घटेको तथ्याङ्क रहेको छ । २०६८ मा कैलालीमा २ हजार तीन सय ३२ हेक्टर क्षेत्रफल जमिनमा तरकारी खेति हुनेगरेकोमा २०७८ को कृषि गणना अनुसार एक सय ६८ हेक्टर घटेर एक हजार ९ सय ६४ हेक्टर जमिनमा मात्रै तरकारी खेति हुने गरेको छ ।

सुदूरपश्चिम प्रदेशका भुमि व्यवस्था, कृषि तथा सहकारी मन्त्री रामेश्वर चौधरीले तिब्र बसाई सराई रोक्न र खतियोग्य जमिनको खण्डिकरण हुन तत्काल नरोके अन्नको भण्डारण मानिएको कैलालीमा जमिननै नरहेने खतरा बढेको बताए ।

उनले खेतियोग्य जमिन घट्न नदिन तत्काल एकिकृत बस्ति विकासको अवधारणा ल्याइनु पर्ने र पहाडबाट हुने बसाईसराई रोकन ती स्थानमा रोजगारीका अवसर सिर्जना गर्नु आवश्यक रहेको बताए ।