खैरो हिरोईन सहित अत्तरियाबाट २ जना पक्राउ

धनगढी । कैलालीको अत्तरिया र कञ्चनपुरको कृष्णपुर नगरपालिकाबाट खैरो हिरोइन सहति दुई जना पक्रा परेका छन् ।

प्रहरीका अनुसार कैलालीको गोदावरी नगरपालिका–३ चौकी डाँडाबाट एक र कञ्चनपुरको कृष्णपुर नगरपालिका–८ बाट एक जनालाई खैरो हिरोइन सहति पक्राउ गरिएको हो ।

सुदूरपश्चिम प्रदेश, प्रहरी कार्यालय, धनगढीका अनुसार कैलालीको गोदावरी नगरपालिका वडा नम्बर ३ चौकी डाँडाबाट २६ वर्षीय राजेश लुहार पक्राउ परेका हुन् । प्रहरीले उनको साथबाट २ सय २० मिलिग्राम लागु औषध फेला पारेको छ । इलाका प्रहरी कार्यालय, मालाखेतीको टोलीले उनलाई पक्राउ गरेको हो ।

यस्तै, कञ्चनपुरका कृष्णपुर नगरपालिका–८ का २८ वर्षीय हरिश भण्डारीसमेत पक्राउ परेका छन् । बुधवार साँझ उनको साथबाट प्रहरीले तीन ग्राम ४७ मिलिग्राम लागु औषध फेला पारेको थियो । उनलाई प्रदेश प्रहरी कार्यालय महेन्द्रनगर, लागूऔषध नियन्त्रण ब्यूरो र ईलाका प्रहरी कार्यालय रैकवारबाट खटिएको प्रहरीले पक्राउ गरेको हो ।