सुदूरपश्चिमका उसु खेलाडी सवार बस दुर्घटना एक खेलाडीको मृत्यु

धनगढी । सुदूरपश्चिम प्रदेश खेलकुद परिषद्ले सुदूरपश्चिमका उसु खेलाडी सवार बस दुर्घटना हुँदा एक जना खेलाडीको मृत्यु भएको छ ।

मृत्यु हुनेमा धनगढी–१२ की उसु खेलाडी निता खड्का रहेकिछन् । हेटौडामा सम्पन्न अन्तरप्रदेश स्तरिय उसु प्रतियोगिता खेलेर फर्कने क्रममा सुदूरपश्चिमका उसु खेलाडी सवार सुप यातायातको ३३९२ नम्बरको बस कपिलवस्तुको चन्द्रौटाबाट करीव १५ किमी पश्चिम स्थित चोरखोलामा शनिबार बिहान २ बजे दुर्घटना भएको थियो । मृतक खेडाडी र घाइते खेलाडीको सहयोगका लागि सुदूरपश्चिम प्रदेश खेलकुल परिषदले अपिल गरेको छ ।

दुर्घटना प्रति दुख ब्यक्त गर्दै प्रदेश सरकारले मृतक र घाईते परिवारलाई सहयोग गर्न अनुरोध गरेको हो । प्रदेश खेलकुद परिषद् सदस्य सचिव दिपक बहादुर सिंहले आज एक विज्ञप्ती जारी गर्दै बस दुर्घटनामा निधन भएका मृतक खेलाडीप्रति श्रद्धाञ्जली र घाइतेको शिघ्रस्वास्थ्य लाभको कामना ब्यक्त गरेका हुन् । साथै उनले मृतक परिवारलाई उचित क्षतिपूर्ति र घाइतेहरुको उपचारको लागि आवश्यक सहयोग गरिदिन सुदूरपश्चिम प्रदेश सरकारसँग विशेष अनुरोध गरेका छन् ।

दुर्घटनामा परी खेलाडीहरु पुष्पा कुँवर, सपना तामाङ्ग, सृजना विसी, मुकेश कार्की, अस्मिता गाहामगर, अभी महतो, हरिचन्द्र कार्की, दिपक चौधरी र ज्ञानु विक तथा निर्णायकहरु खुशीराम चौधरी, राजीव गुप्ता र एलिसा खाती घाइते भएका छन् । बसमा ३४ जना उखु खेलाडी सहभागि रहेको जनाइएको छ ।

कैलाली जिल्ला खेलकुद बिकास समितीका उसु खेदकुद सहायक प्रशिक्षक रतन खातीले सांधुरोबाटो भएकाले ओभरटेक गर्दा बस दुर्घटनामा परेको बताए । बस पल्टीदा बिद्यार्थी खसेकाले च्यापिएर मृत्यु भएको उनले बताएका छन् ।