समाजसेवि रेग्मीले सञ्चालन गरे सिस्नो क्याफे

धनगढी । समाजसेवि हरी रेग्मीले धनगढीमा सिस्नो क्याफे सञ्चालनमा ल्याएका छन् ।

धनगढी–५ तारानगर स्थित यातायात व्यवस्था कार्यालय नजिकै रेग्मी सहित दुईजना मिलेर सिस्नो क्याफे सञ्चालनमा आएका हुन् । क्याफेको आइतबार होटल व्यवसायी संघ कैलाली अध्यक्ष केशवराज पाण्डेले रिवन काटेर उद्घाटन गरे ।

सो अवसरमा अध्यक्ष पाण्डेले धनगढीमा होटल क्षेत्रमा लगानी बढ्दै गएको बताए । उनले स्थानीय परिकारसहितको सेवा होटलहरुले प्रवाह गर्नुपर्ने बताए । उनले भने –‘होटलमा लगानी गर्दा आन्तरिक पर्यटक र बाह्य पर्यटकलाई सहज हुन्छ ।’

३० लाखको लगानीमा सञ्चालनमा ल्याइएको क्याफेमा लोकल कुखुराको झोल, मासु, सिस्नोका परिकारका साथै अन्य खानाका परिकारहरु क्याफेमा पाइने सञ्चालक हरि रेग्मीले बताए । उनले भने –‘क्याविनसहित क्याम्प फायरको व्यवस्था छ ।’