दोधारा चादनीमा माओवादीको चार महिने अभियानको समापन

धनगढी । कन्चनपुरको दोधारा चादनीमा नेकपा माओवादीको  जन जनमा माओवादी  घर घरमा माओवादी   विशेष  रुपान्तरण अभियान अभियान समापन भएको छ । गत भदौमा शुरु भएको अभियानका क्रममा घरघरमा गएर पार्टीका बारेमा सल्लाह सुझाव लिने, पार्टीको बारेमा बुझाउने काम भएको थियो ।

अभिायनका समापन कार्यक्रममा प्रमुख अतिथि नेकपा माओवादीका स्थायी कमिटी सदस्य एवम सुदुरपश्चिम इन्चनर्ज खगराज भट्टले पार्टीलाई जनताका बीचमा अझै भिजाएर लैजानु आवश्यक रहेको बताए ।

 पार्टी सरकारमा रहेकोले जनताका आवाज सुनेर अघि बढ्न आफुले सल्लाह दिने इन्चार्ज भट्टले  बताए ।

संविधान सभा सदस्य एवम दोधारा चादनीमा अभियानका इन्चार्ज हरि श्रीपाईलीले  अभियानाका क्रममा पार्टीमा कामको मुल्यांकन गरिनु पर्ने, मुल्यांकनका आधारमा नै कारवाही र जिम्मेवारीको व्यवस्था गर्न   माग आएको बताए । पार्टी निती र बिधानसम्मत रुपमा चल्नु पर्ने कार्यकर्ताको साझा आवाज रहेको बताउँदै संविधान सभा सदस्य श्रीपाइले अभियानका क्रममा आएका बिचारहरु पार्टी नेतृत्वलाई बुझाइने बताए ।