ट्याक्टरबाट खसेर एक जनाको मृत्यु

धनगढी । कैलालीको लम्कीमा ट्याक्टरबाट खसेर एक जनाको मृत्यु भएको छ । प्रहरीका अनुसार लम्कीचुहा नगरपालिका–३ गोराङ्गे स्थित से १ त २३२७ नम्बरको ट्याक्टरबाट खसेर जानकी गाउँपालिका–६ जगतपुरका ६० वर्षीय देवबहादुर शाहको मृत्यु भएको हो ।

ट्याक्टरमा ढुङ्गा लोड गरी जगतपुर जाने क्रममा सोही ट्यक्टरबाट खसेर शाह गम्भिर घाईते भएका थिए । घाईते भएका शाहलाई उपचारको लागि लालरत्न अस्पताल लम्की हुँदै थप उपचारको लागि टिकापुर अस्पताल लैजाने क्रममा मृत्यु भएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक कुलदीप चन्दले बताए । ट्याक्टर चालक जानकी गाउँपालिका–६ जगतपुरका ३६ वर्षीय दयाशंकर चौधरीलाई नियन्त्रणमा लगिएको प्रबक्ता चन्दले बताए ।