समाजवादी मोर्चाको कैलाली जिल्ला मोर्चा घोषणा

धनगढी । जनता समाजवादी पार्टीका जिल्ला अध्यक्ष गया प्रसाद कुश्मीको अध्यक्षतामा  समाजवादी मोर्चा नेपाल कैलालीको घोषणा गरिएको छ ।

मोर्चामा सहभागी दलहरुको बैठकले शनिबार धनगढीमा मोर्चाको जिल्ला समिति घोषणा गरेको हो । जनता समाजवादी पार्टीले जिल्ला मोर्चाको नेतृत्व चार महिनासम्म गर्ने छ । नेकपा एकीकृत समाजवादीका कैलाली जिल्ला अध्यक्ष बिमल जोशीले हरेक चार चार महिनामा मोर्चाको नेतृत्व परिवर्तन हुने बताए । एउटा दलले चार महिना नेतृत्व गरिसकेपछि अर्को दलले मोर्चाको नेतृत्व गर्ने अध्यक्ष जोशीले बताए ।

जिल्ला मोर्चामा चार वटै दलबाट दुई÷दुई जना सदस्य रहेका छन् । नेकपा माओवादी केन्द्र, नेकपा एकीकृत समाजवादी पार्टी, जनता समाजवादी पार्टी र नेकपाले समाजवादी मोर्चा गठन गरेका छन् । प्रदेश स्तरमा मोर्चा गठन गरेर सन्देश सभा गरिसकेपछि जिल्ला स्तरमा मोर्चा बिस्तार गरिएको हो ।

सन्देश सभामा नेकपाका केन्द्रिय सदस्य सन्तोष सीले समाजवादी मोर्चा अहिलेको आवश्यकता रहेको बताए । मोर्चालाई अझै गतिशील बनाउने र स्थानीय स्तरसम्म बिस्तार गरिने सीले बताए ।

नेकपा माओवादीका केन्द्रिय सदस्य कृष्ण चौधरीले आवश्कताका आधारमा मोर्चा बनेको र यसलाई सक्रिय बनाएर  पछिसम्म लैजानु पर्ने बताए । समाजवादलाई लक्ष्य बनाएका दलहरु नै मोर्चामा सहभागीभएकाले मोर्चा सफलहुने केन्द्रिय सदस्य चौधरीले बताए ।

जसपा कैलालीका अध्यक्ष गया प्रसाद कुश्मीको अध्यक्षतामा भएको उक्त कार्यक्रममा नेकपा एसका केन्द्रिय सदस्य माया भट्ट, नेकपाका डबल शाह, नेकपा माओवादीका जिल्ला संयोजक लाजुराम चौधरीले मन्तव्यव्यक्त गरेका थिए । कार्यक्रम सँचालन नेकपा एसका जिल्ला सचिव दिर्घ जोशीले गरेका थिए ।

कैलालीमा कुनदलको नेतृत्व<

नेकपा : लम्कीचुहानगपलिका र घोडाघोडी नगरपालिका

जसपा : जोशीपुर गाउपालिका, जानकी गाउपालिका र टीकापुर नगरपालिका

नेकपा माओवादी केन्द्र : धनगढी उपमहानगरपालिका, मोहन्याल गाउँपालिका, कैलारी गाउँपालिका, बर्दगोरिया गाउँपालिका

नेकपा एस : ःभजनी नगरपालिका, गौरीगंगा नगरपालिका, गोदावरी नगरपालिका र

चुरे गाउँपालिका