संस्थापक अध्यक्ष रन्जिता नागरिक उन्मुक्तिको सहअध्यक्षमा मनोनित

धनगढी । नागरिक उन्मुक्तिको पार्टीले सहअध्यक्षमा रन्जिता  श्रेष्ठलाई मनोनित गर्ने निर्णय गरेको छ । पार्टीको पहिलो अधिवेशनबाट निर्वाचित कार्यसमितिको पहिलो बैठकले रन्जितालाई सहअध्यक्षमा मनोनित गर्ने निर्णय गरेको हो ।

रन्जिता नागरिक उन्मुक्ति पार्टीकी संस्थापक अध्यक्ष हुन् । उनी नागरिक उन्मुक्ति पार्टीका नवनिर्वाचित अध्यक्ष  रेशम चौधरीकी श्रीमती समेत हुन् ।

टीकापुरमा सम्पन्न प्रथम महाधिवेशनमा  पार्टीका संरक्षक रेशम चौधरी अध्यक्षमा निर्विरोध  निर्वाचित भएका हुन् ।

कार्यसमितिको  बैठकले विधान संशोधन गर्दै श्रेष्ठलाई सहअध्यक्षमा मनोनित गर्ने निर्णय समेत गरेको छ । पार्टी अध्यक्ष चौधरीले रन्जितालाई सहअध्यक्षमा मनोनित गरेको पत्र पठाइसकिएको बताए ।

नाउपाले विधान संशोधन गरी दुई जना महासचिव हुने व्यवस्था समेत गरेको छ । अधिवेशनमा ठाकुर सिंह थारु र गंगाराम चौधरी महासचिवमा चयन भएका थिए ।