धनगढीबाट अबैध सिसम काठ बरामद

धनगढी पोष्ट

बुधबार, १० माघ २०८० मा प्रकाशित

धनगढी । धनगढीबाट अबैध सिसम काठ बरामद गरिएको छ । प्रहरीका अनुसार धनगढी उपमहानगरपालिका–३ बडाराबाट कागज पत्र नभएको सिसमको सुकेको काठको गोलिया १८ थान सुदूरपश्चिम प्रदेश ०१००२ त ४६३४ नम्बरको ट्याक्टरमा लोड गरेको अवस्थामा मंगलवार बरामद गरिएको हो ।

जिल्ला प्रहरी कार्यालय कैलालीबाट खटिएको प्रहरी गस्ती टोलीले फेला पारी उक्त काठ, ट्याक्टर र चालक धनगढी–३ का २८ वर्षीय मिनबहादुर चौधरीलाई नियन्त्रणमा लिई आवश्यक कारवाहीको लागि जिल्ला वन कार्यालय कैलालीमा बुझाएको बताएको छ ।