मालपोत र नापी कार्यालयको विद्युतलाई कटौति

धनगढी । नेपाल विद्युत प्राधिकरणले धनगढी स्थित मालपोत कार्यालय र नापी कार्यलयको विद्युतलाईन कटौति गरेको छ ।

पटक–पटक ताकेता गर्दा समेत विद्युत महश्ल नतिरेपछि लाईन कटौति गरेको नेपाल विद्युत प्राधिकरण वितरण शाखा धनगढीले जनाएको छ । लामो समय सम्म विद्युत महशुल नबुझाएका ग्राहको लाईन कटौति गर्ने सूचिमा मालपोत कार्यालय र नापी कार्यालय समेत परेको प्राधिकरणले जनाएको छ ।

विद्युत प्राधिकरणले धनगढी र अत्तरियामा समयमै विद्युत् महसुल नबुझाउने २५३ ग्राहकको विद्युत् लाइन काटेको जनाएको छ । लामो समयदेखि विद्युत् महसुल नबुझाएका ग्राहकको एक करोड ५३ लाख ४९ हजार ३६५ बक्यौता रहेको नेपाल वितरण प्राधिकरण वितरण शाखा धनगढीका प्रमुख मिथिलेशकुमार गोयलका बताए । उनका अनुसार प्राधिकरणले विद्युत लाईन कटौ ितगर्ने अभियान थालेपछि एक सय ८० ग्राहकले महशुल बुझाइ सकेका छन् । एक महिनाको अवधिमा ती ग्राहकबाट ७८ लाख ३७ हजार चार सय ९१ रुपैयाँ विद्युत महशुलबापतको रकम असुली भएको उनले जानकारी दिए । धनगढी विद्युत् वितरण केन्द्रले मालपोत कार्यालय, नापी, सडकलगायत गरी सातवटा सरकारी कार्यालयको लाइन काटेको छ ।

बिद्युतले लाईन काटेपछि सोमबार तिनै कार्यालय पुगेका सेवाग्राहीका काम समेत अबरुद्ध भएको छ । उक्त कार्यालयको बिद्युत अबरुद्ध भएपछि सेवाग्राहीहरुको काम समेत अबरुद्ध भएको थियो।उता नापी कार्यालयका सुचना अधिकारी दीर्घराज पाण्डे बिद्युतले जानकारी विनानै लाईन काटेको बताएका छन् ।