सुदूरपश्चिम प्रदेश सभाको लोगो संशोधन

धनगढी । सुदूरपश्चिम प्रदेश सरकारले प्रदेश सभाको लोगो लोगो संशोधन गरेको छ । पुरानो लोगोमा नेपालको नक्सा नभएको र राष्ट्रिय झण्डामा चन्द्र, सूर्य स्पष्ट नदेखिएको भनदै शुक्रबार बसेको प्रदेश सभा बैठकमा सर्वसम्मतरुपमा प्रदेश सभाको लोगो परिवर्तन गरिएको हो ।

लोगो संशोधन समितिले तयार पारेको प्रतिवेदन बमोजिमको नयाँ लोगो प्रदेश सभाका लागि कायम गरिएको छ । प्रतिवेदन पारित भएकाले सुदूरपश्चिम प्रदेश सभाको नयाँ लोगो निर्धारण भएको घोषणा गरे । साथै, लोगो संशोधनसम्बन्धी प्रतिवेदन कार्यान्वयनका लागि अन्य कार्य अगाडि बढाउन उनले प्रदेश सभा सचिवालयलाई निर्देशन दिए ।

समितिको प्रतिवेदनमाथि शुक्रबारनै सदनमा छलफल गरिएको थियो । प्रतिवेदनमाथिको छलफलमा प्रदेशसभा सदस्य मानबहादुर रावल, शिवसिंह ओली, चक्रबहादुर मल्ल र टीका थापाले भाग लिए । समितिका संयोजक पदमबहादुर शाहीले प्रदेश सभाबाट प्रतिवेदन पारितका लागि प्रस्ताव पेश गरेका थिए ।