चुनाव जित्न मात्रै आस्वासन दिने प्रवृति त्याग्नुपर्छ : झाँक्री

धनगढी । नेकपा एकीकृत समाजवादी पार्टीकी सचिव रामकुमारी झाँक्रीले चुनाव जित्नका लागि मात्रै नेताहरुले विकासका ठुलठुला आस्वासन दिने प्रवृति त्याग्नुपर्नेमा जोड दिएकिछन् ।

चुनावमा ठुलठुला आस्वासन दिने र पछि ती योजना सुरुवात समेत नहुने प्रवृतिका कारण जनतामा निरासा छाएको बताउँदै मन्त्री झाँक्रीले अव नेताले आस्वासन दिएर चुनाव जित्ने प्रवृति त्याग्नुपर्ने बताएकिहुन् ।

सोमबार धनगढीमा पत्रकारसँग अन्तरक्रिया गर्दै सचिव झाँक्रीले अहिलेका प्रधामन्त्रीको कार्यकाल विना चुनौतीको रहेको दाबी गरेकी हुन्। उनले हालका मन्त्रीले काम गरेन भनेर बाहिर हल्ला गर्दै हतोत्साहित गर्ने काम भइरहेको उनको भनाई छ ।

सरकार परिवर्तन हुने विषय सामान्य भएको भन्दै मन्त्रीहरुको बेइज्जत गरेर सरकार परिवर्तन गर्न नहुने उनको तर्क छ। पूर्व मन्त्रीसमेत रहेकी झाँक्रीले निर्माण गरिएका पूर्वाधारबाट केही फाइदा लिने गरी विमानस्थल साझेदारीबाट सञ्चालन गर्नुपर्नेमा जोड दिएकी छन् ।