महेन्द्रनगरबाट काठमाडौंका लागि छुटेको बस कपिलवस्तुमा दुर्घटना, १० जनाको मृत्यु

धनगढी । कञ्चनपुरको महेन्द्रनगरबाट काठमाडौंका लागि छुटेको बस कपिलवस्तुमा दुरघटना हुदा १० जनाको मृत्यु भएको छ ।
बस आज बिहान कपिलवस्तुको शिवराज नगरपालिका–१ सुरही पुल नजिकै दुर्घटना भएको हो । 
प्रहरीका अनुसार हेन्द्रनगरबाट काठमाडौँ जाँदै गरेको सुनौलो महाकाली  यातायातद्वारा  सञ्चालित सु– प – प्र–०२–००१ ख ००९८ नम्बरको बस आज विहान  सडकबाट दुई सय मिटर तल खसेको थियो ।  
दुर्घटनामा १० जनाको घटनास्थलमै मृत्यु भएको जिल्ला प्रहरी कार्यालय कपिलवस्तुले जनाएको छ  । मृतकको विवरण ९पहिचान०  आइसकेको छैन ।
कार्यालयका प्रहरी निरीक्षक नवरत्न पौडेलका अनुसार  दुर्घटनामा ३० जना घाइते भएका ती मध्ये नौ जनालाई बुटवल ‘रिफर’ गरिएको छ ।