एमालेका कैलालीमा  चार जनाद्धारा प्यानल सहित  अध्यक्षमा उम्मेदवारी

कैलाली । नेकपा एमाले कैलालीको  अध्यक्षमा चार जनाले उम्मेदवारी दर्ता गरेका छन् । अधिवेशन शुरु भएको चौथो दिन बुधबार बिहान उम्मेदावरी दर्ता भएको हो ।

अध्यक्षमा पुर्व सुदुरपश्चिम प्रदेश सचिवालय सदस्य यज्ञराज ढुंगाना, कैलाली जिल्लाका कार्यवाहक अध्यक्ष दुर्गा जोशी, जिल्ला सचिव  डेजी पाण्डे र कमल सिंह रानाले उम्मेदवारी दर्ता गराएका छन् ।

कैलालीको निर्वाचनका लागि स्थायी समिति सदस्य कर्ण थापा, केन्द्रिय सदस्य झपट रावलको समुहबाट डेजी पाण्डे टीम सहित अध्यक्षका दावेदार छन् ।

पोलिटब्युरो सदस्यएवम कैलाली इन्चार्ज गणेश ठगुन्ना, केन्द्रिय सदस्य एवम पुर्व प्रदेश अध्यक्ष दामोदर भण्डारी, प्रदेश सभा सदस्य धर्मसहितको  समुहबाट यज्ञराज ढुंगाना अध्यक्षका उम्मोवर बनेका छन् ।

केन्द्रिय सचिव एवम स्थायी समिति सदस्य लेखराज भट्टको समुहबाट दुर्गा जोशी अध्यक्षेका उम्मेदवार बनेका हुन् ।

पोलिटब्युरो सदस्य नारदमुनि रानाले आफ्नो भाई एवम स्वकीय सचिव कमल रानालाई उम्मेदवार बनाएका छन् ।