सहकारी संध कैलालीको अध्यक्षमा सापकोटा निर्वाचित

धनगढी । कैलाली जिल्ला सहरी संघ लिमिटेडको अध्यक्षमा फणिराज सापकोटा विजयी भएका छन् । शनिवार भएको निर्वाचनमा उनी अध्यक्षका प्रत्याशी कृष्णराज पाण्डेलाई झिनो मतान्तरले पराजित गर्दै विजयी भएका हुन् ।

सापकोटाल १६९ मत ल्याएर विजयी हुँदा उनका प्रतिद्धन्द्धि पाण्डेले एक सय ५९ मत पाएका छन् । उपाध्यक्षमा दिप्ती शाही विजयी भएका छन् । उनको एक सय ९० मत छ । उपाध्यक्षका अर्का उम्मेदवार भूपेन्द्र थापा क्षेत्रीले एक सय ३१ मत पाएका छन् । सहकारी संघ कैलालीको सचिवमा जयप्रकाश न्यौपाने विजयी भएका छन् । न्यौपानेले एक सय ७३ मत ल्याएका छन् । सचिव पदका प्रत्याशी रामेश्वर प्रसाद रेग्मीले एक सय ३८ मत पाएका छन् ।

सह–सचिवमा विश्वनाथ प्रसाद चौधरी विजयी भएका छन् । चौधरीले एक सय ५९ मत पाएका हुन् । उनका प्रतिस्पर्धी देवानन्द जैशी बजगाईले एक सय ५२ मत पाएका छन् । कोषाध्यक्षमा गीतादेवि चौधरी विजयी भएकी छन् । उनी एक सय ५९ मतसहित विजयी भएकी हुन् । अर्का कोषाध्यक्ष पदका प्रत्याशी दुर्गा प्रसाद भण्डारीले एक सय ५३ मत पाएका छन् । राष्ट्रिय प्रतिनिधिमा शिवा थापा विजयी भएका छन् । थापाले एक सय ९६ मत ल्याएका हुन भने उनका प्रतिस्पर्धी यज्ञराज उपाध्यायले एक सय ९ मत ल्याएका छन् ।

शनिबार धनगढीमा नयाँ नेतृत्वको लागि २ प्यानल बीच प्रस्तस्पर्धा भएको थियो । निर्वाचनबाट सदस्यहरूमा डण्डीराज सुवेदी, मायाकुमारी चौधरी, भक्तबहादुर विश्वकर्म, सुरेन्द्रबहादुर बडुवाल, मोहनमति चौधरी, पूर्णबहादुर विष्ट, इच्छाकुमारी चौधरी र माघुलाल डगौरा थारू विजयी भएका छन् । यस्तै, लेखा संयोजकमा मनमोहन विष्ट, लेखा सदस्यमा सर्मिला कुमारी चौधरी र बृद्धि प्रसाद खनाल विजयी भएका छन् ।