जोखिम भत्ता  नपाएपछि थलारा गाउपालिकामा स्वास्थ्य सेवा अनिश्चितकालका लागि बन्द

धनगढी

 बझाङको थलारा गाउँपालिकाका स्वास्थ्यकर्मीहरुले कोरोना भाइरस महामारीमा खटिए बाफतको जोखिम भत्ता गाउँपालिकाले उपलबध नगराएको भन्दै इमरजेन्सी बाहेका सबै स्वास्थ्य सेवा अनिश्चितकालीन बन्द गर्ने घोषणा गरेका छन् ।

 उनीहरुले प्रदेश सरकार मातहत काम गरिरहेका स्वास्थ्यकर्मीहरुले जोखिम भत्ता पाइसक्दा आफुहरुले नपाएको र पटक पटक गाउँपालिकालाई आग्रह गर्दा पनि सुनुवाई नभएको भन्दै साउन १ देखि ९ वटै वडाका स्वास्थ्य संस्थाहरुमा इमर्जेन्सी, खोप र प्रसुति सेवा बाहेकका अन्य सेवा अनिश्चितकालीन बन्द गर्ने निर्णय गरिएको जनाएका छन् ।

   ९ वटै वडा कार्यालयका स्वास्थ्य प्रमुखहरुले जारी गरेको बिज्ञप्तिमा पोशाक भत्ता, पारिवारिक भ्रमण भत्ता नर्सिंङ सेवाका स्टाफहरुको रात्रीकालीन सेवा भत्ता समेत उपलब्ध नगराइएकोले आफुहरु बाध्य भएर सेवा बन्द गर्ने अवस्थामा पुगेको बताइएको छ ।