नगरस्तरीय प्याब्सन कपको उपाधि एरिष्टोलाई

धनगढी । ७औँ धनगढी नगरस्तरीय प्याब्सन कप २०८० को उपाधि धनगढी–८ स्थित एरिष्टो माध्यमिक विद्यालयले जितेको छ । उपमहानगरका सम्पूर्ण प्याब्सन अन्तर्गतका विद्यालयहरुको सहभागिता रहेको प्याब्सन कपमा ९ स्वर्ण, ४ रजत र ५ कास्य पदकसहित एरिष्टोले उपाधि जितेको हो ।

छात्रा कबड्डीतर्फ र हाइजम्पमा १/१ स्वर्ण, १०० मिटर दौडमा २ स्वर्ण, छात्रा जुनियर ५० मिटर दौडमा १ स्वर्ण, लङजम्पमा १ स्वर्ण, ज्वाब्लिङ थ्रो १ स्वर्ण, छात्रतर्फको ५० मिटर दौडमा १ स्वर्ण र छात्रातर्फ हस्तलेखनमा एरिष्टोले थप एक स्वर्ण जितेको हो ।

सर्टपुट छात्रातर्फ १ रजत, मिठाई दौडमा १ रजत, छात्रतर्फ बोरा दौडमा १ रजत, सर्टपुटतर्फ १ कास्य पदक, २०० मिटर दौडमा छात्रतर्फ १ कास्य पदक, निबन्ध लेखनमा छात्रतर्फ १ कास्य, जुनियर लङजम्प छात्रतर्फ १ कास्य, वादविवाद प्रतियोगितामा छात्रातर्फ १ कास्य पदक हासिल गरेको थियो । प्रतियोगिता फागुन १४ देखि १७ गतेसम्म सञ्चालन भएको थियो ।