सुदूरपश्चिम प्रदेश सरकारबाट माओवादीका मन्त्री हटाइए

धनगढी । सुदूरपश्चिम प्रदेशमा नेकपा माओवादी केन्द्रका दुई जना मन्त्री र राज्यमन्त्रीलाई बर्खास्त गरिएको छ ।

संविधानको धारा १६८को उपधार ९ बमोजिम माओबादी केन्द्रबाट प्रदेश सरकारमा सहभागि भएका उद्योग पर्यटन, वन तथा वातावरण मन्त्री रमेस सिंह धामी, राज्यमन्त्री गितादेवि माल र सामाजिक विकास मन्त्री झपट साउदलाई बर्खास्त गरिएको मुख्यमन्त्री कमलबहादुर हाहले बताए ।

केन्द्रिय शत्ता समिकरण फेरिएपछि दुई मन्त्री र एक जना राज्यमन्त्रीलाई हटाएर ती मन्त्रालयको जिम्मेवारी मुख्यमन्त्री शाह आफैले राखेका छन् ।

मुख्यमन्त्रीले माओवादीबाट मन्त्री बनेकाहरूलाई बर्खास्त गरेपनि नेकपा -एकीकृत समाजवादी_ र नागरिक उन्मुक्ति पार्टीबाट बनेका मन्त्रीको जिम्मेवारी भने यतावत राखेका छन् ।

सुदूरपश्चिममा नाउपा र नेकपा -एस_ को समर्थन कायम भए मुख्यमन्त्रीलाई सुविधाजनक बहुमत पुग्छ । सोही कारण मुख्यमन्त्रीले माओवादीबाट मन्त्री बनेकाहरूलाई बर्खास्त गरेका हुन् ।

मुख्यमन्त्री शाहले पत्रकार सम्मेलन गर्दै माओवादीका मन्त्रीहरूलाई बर्खास्त गरिएको बारेमा जानकारी दिएका छन् । सुदूरपश्चिम प्रदेशमा नेपाली कांग्रेसका १८, माओवादी केन्द्रका ११, एमालेका १०, नाउपाका ७, नेकपा (एकीकृत समाजवादी) का ४, राप्रपा एक र स्वतन्त्र एक जना सांसद छन् भने एउटा सिट रिक्त छ ।

?