बझाङका तीन घरमा आगलागी

बझाङ । बझाङमा एकै धुरी सङ्गै जोडिएका ३ घरमा आगलागी भएको छ । सोमवार दिउँसो बझाङको मष्टा गाउँपालिका वडा नम्बर ६ रिलुका जिते रोकाया,ईश्वर रोकाया र लोकेन्द्र रोकायाको घरमा आगलागी भएको हो ।

सोमबार दिउँसो १२ बजेतिर रिलु टोलमा सङ्गै जोडिएका पथ्थरले छाएका ३ तले घरहरुमा अचानक आगलागी भएको जिल्ला प्रहरी कार्यालय बझाङले जनाएको छ । स्थानिय र प्रहरीको सहयोगमा आगलागि नियन्त्रणमा आएको जिल्ला प्रहरी कार्यालय बझाङका सुचना अधिकारी एंवम प्रहरी निरिक्षक दिपेश चौधरीले जानकारी दिए ।

आगलागी प्रहरी टोली र स्थानियहरुले आगो नियन्त्रणमा ल्याएका हुन् । आगलागिबाट मानबिय क्षति नभएको र घरमा भएको क्षतिको पुर्ण विवरण आउँन भने बाँकि रहेको जिल्ला प्रहरी कार्यालय बझाङले जनाएको छ ।