सहकारीका पुर्व अध्यक्ष र क्यासियर पक्राउ, सहकारीमा ठगीको आरोप

धनगढी । सहकारीमा ठगी गरेको आरोपमा कैलालीको गौरीगंगा नगरपालिकाको नगरपालिका–४ राजीपुरमा रहेको राधाकृष्ण बचत तथा ऋण सहकारीका तत्कालीन अध्यक्ष र क्यासियरलाई प्रहरीले पक्राउ गरेको छ ।

इलाका प्रहरी कार्यालय मालाखेतीको टोलीले  राधाकृष्ण सहकारीका पुर्व पुर्व अध्यक्ष चन्द्र प्रकाश सापकोटा र क्यासियर देवकी कुमारी जोशीलाई  पक्राउ गरेको हो ।

पुर्व अध्यक्ष सापकोटा, व्यवस्थापक जित नारायण आचार्य, क्यासियर जोशी लगाएतको मिलोमतामा सात लाख ८० हजार अपचलन  गरेको आरोप छ । आर्चायले सात लाखको चेक, ७५ हजार ऋणीले फोन पे मार्फत तिरेको रकम र पाँच हजार एक ऋणीलाई व्याजमा छुट दिएर फरार भएको  इलाका प्रहरी कार्यालय मालाखेतीले जनाएको छ ।