उन्मुक्तिको नाममा सोडारीलाई गरिएको समर्थन  गैरकानी भन्दै हस्ताक्षेप गर्न उन्मुक्तिका पाँच सांसदद्धारा प्रदेश प्रमुखसँग माग

धनगढी । सुदुरपश्चिमको मुख्यमन्त्रीमा दावी पेश गर्दा नागरिक उन्मुक्तिको संसदिय दलको नेताको दुरुपयोग भएको भन्दै हस्तक्षेप गर्न उन्मुक्तिका पाँच प्रदेश सभा सदस्यहरुले  माग गरेका छन् ।

सुदुरपश्चिमका प्रदेश प्रमुख नजिर मियालाई बुझाएको उक्त पत्रमा प्रदेश सभा सदस्यहरुले दिर्घ सोडारीको मुख्यमन्त्रीमा दावी पेश गर्दा उन्मुक्तिका दुई सदस्यहरुले गरेको  समर्थन गैर संवैधानिक, गैरकानुनी र संसदिय व्यवस्थाको मर्यादा बिपरित रहेको उल्लेख छ । पत्रमा सोडारीको पक्षमा गरिएको उन्मुक्तिका दुई जनाको हस्ताक्षर अमान्य हुने भन्दै पत्रमा उक्त कदमप्रति  प्रदेश प्रमुखबाट हस्तक्षेप गर्न माग गरिएको छ ।

सोडारीले मुख्यमन्त्रीके दावी पेश उन्मुक्तिका प्रदेश सभा सदस्यहरु कैलाश चौधरी र टीका थापाले समर्थनमा हस्थाक्षर गरेका थिए ।

 उन्मुक्तिको संसदिय दलको  नेता घनश्याम चौधरी रहेको, संसदिय दलको   नेताको हैसियतले बिभिन्न बैठकहरुमा भाग लिएको, संसदमा सम्वोधन पनि गरिसकेको उल्लेख गर्दै पत्रमा भनिएको छ  ‘उन्मुक्ति पार्टीको दलको नेता भन्दै  माननीय प्रदेश प्रमुख लगायत अन्य निकायमा कही कतैबाट पत्राचार गरिएमा  त्यो अमान्य मात्र हैन, किर्ते हो । तसर्थ समयमै  नागरिक उन्मुक्ति पार्टीको संसदिय दलको   सचेत  भएको छ ।’

प्रदेश प्रमुखलाई लेखिएको पत्रमा उन्मुक्तिका संसदिय दलका नेता घनश्याम चौधरी, प्रदेश सभा सदस्यहरु रामेश्वर चौधरी, लक्ष्मणकिशोर चौधरी, खुशीराम चौधरी र इन्दिरा गिरीले हस्ताक्षर गरेका छन् ।