लम्की चुहा नगरपालिकाको नगर उद्यान निर्माणमा अनियमिता

धनगढी

लम्की चुहा नगरपालिकाले निर्माण गरेको नगर उद्यानमा आर्थिक अनियमितता भएको महालेखा परीक्षकको कार्यालयले आशंका गरेको छ ।

आर्थिक बर्ष २०७५÷०७६ मा नगरपालिकाले वडा नम्बर २ र ५ मा पर्ने मोहनलाल सामुदायिक बनमा नगर उद्यान निर्माण गरेको थियो । उद्यानको सुरक्षाका लागि निर्माण गरिएको पर्खालको उचाई कम भएकोले त्यसमा अनियमितता भएको महालेखाले आशंका गरेको हो । महालेखाको ५७ औं बार्षिक प्रतिवेदनको ५६१ नम्बर पेजमा लम्की चुहा नगरपालिकाले निर्माण गरेको उद्यान र पर्खाल निर्माण कार्यमा दोहोरोपना भएको समेत उल्लेख गरिएको छ ।

सो उद्यानमा लम्की चुहा नगरपालिकाका साथै डिभिजन बन कार्यालय पहलमानपुरले पनि रकम खर्च गरेको छ । नगरपालिकाको १ करोड ५० लाख र डिभिजन बन कार्यालयको १४ लाचख रुपैया यस उद्यानमा खर्च गरिएको छ ।

उद्यानको सुरक्षाका लागि भन्दै निर्माण गरिएको पर्खाको उचाई साढे तीन फिट मात्रै रहेकोले सो पर्खालबाट उद्यानको सुरक्षा हुने कुरामा विश्वस्त हुन नसकिएको प्रतिवेदनमा उल्लेख छ । महालेखाले सो पर्खाल र उद्यान निर्माणमा लागेको खर्चको प्रभावकारिता यकिन गर्न सुझाव समेत दिएको छ ।

उद्यान निर्माणका लागि नगरपालिकाले १ करोड ३३ लाख भुक्तानी गरेको छ । एउटै सामुदायिक बनमा निर्माण गर्ने उद्यानका लागि नियम बिपरित दुई वटा उपभोक्ता समिति बनाइएको र उद्यान निर्माण शुरु गर्नभन्दा पहिले नै बिस्तृत परियोजना प्रतिवेदन र गुरुयोजना तयार गरेको हुनुपर्नेमा त्यसो नगरिएको प्रतिवदेनले जनाएको छ ।

एक परामर्शदाता कम्नीलाई उद्यानको सर्भे गरे बाफत ९ लाख ८१ हजार भुक्तानी दिइएको छ । तर त्यो परामर्श कम्पनीले सर्भे प्रतिवेदन बुझाएको छैन् । प्रतिवेदन नबुझाईकनै रकम भुक्तानी गरिएकोले सो रकम समेत अनियमितता भएको हुनसक्ने सम्भावना रहने महालेखाको प्रतिवेदनमा उल्लेख छ ।

उपभेक्ता समिति मार्फत काम गर्दा गरिने लागत अनुममनमा उपभोक्ताको योगदानको अंश पनि समावेश गर्नपर्ने खरीद ऐनमा नियम छ । तर दुई वटा उपभोक्ता समिति बनाएर उद्योन निर्माण गरेको नगरपालिकाले कुनै पनि उपभोक्ता समितिको योगदानको अंश लागत अनुमानमा समेटेको छैन ।

निर्माण गरिएको पर्खालको कति क्षेत्रफल कुन उपभोक्ता समितिको भन्ने समेत नखुलाइएको महालेखाको प्रतिवेदनमा उल्लेख छ ।