गोदावरी नपा र कैलारी गापामा बढ्यो बेरुजु

धनगढी  । कैलालीका दुई पालिकाको बेरुजु रकम बढेको छ । जिल्लाका अधिकांश पालिकाको बेरुजु रकम घटेको भएता पनि दुई पालिकाको भने २०७८/०७९ भन्दा २०८०/०८१ मा बेरुजु रकम बढेको छ । महालेखा परीक्षकको ६१ औँ प्रतिवेदन अनुसार गोदावरी नगरपालिका र कैलारी गाउँपालिकाको बेरुजु बढेको हो ।

आर्थिक बर्ष २०७८÷०७९ मा कैलालीका ११ पालिकाले अघिल्लो बर्षको तुलानामा बेरुजु घटाएका छन् ।

प्रतिवेदन अनुसार २०७८÷०७९ मा कैलालीका १३ स्थानीय तहको बेरुजु रकम ६९ करोड बढी पुगेको थियो । अहिले घटेर जिल्लाका सबै पालिकाको बेरुजु ५७ करोड आठ लाख नौ हजार पुगेको छ ।

सबैभन्दा बढी बेरुजु गोदवारी नगरपालिकामा देखिएको छ । गोदावरी नगरपालिकामा कुल परीक्षण गराएको दुई अर्ब ८९ करोड ९८ लाख २३ हजारमध्ये पाँच करोड ४२ लाख ७७ हजार अर्थात १.८७ प्रतिशत बेरुजु देखिएको छ । २०७८÷०७९मा यस पालिकामा तीन करोड ९७ लाख ३५ हजार बेरुजु थियो ।

कैलारी गाउँपालिकामा एक अर्ब ७३ करोड ४७ लाख नौ हजारको लेखापरीक्षण गरिएकोमा तीन करोड एक लाख २७ हजार अर्थात १.७४ प्रतिशत बेरुजु देखिएको महालेखाको प्रतिवेदनमा उल्लेख छ । २०७८÷०७९मा यस पालिकामा दुई करोड ४६ लाख ७१ हजार बेरुजु देखिएको थियो । 

सबैभन्दा कम जोशीपुर गाउँपालिकाको छ । जहाँ एक अर्ब ९८ करोड सात लाख ४० हजारको परीक्षणमा एक करोड १३ लाख ७८ हजार अर्थात १.०४ प्रतिशत बेरुजु देखिएको छ । २०७८÷०७९ मा यस पालिकामा तीन करोड ८९ लाख ५३ हजार बेरुजु देखिएको थियो ।

धनगढी उपमहानगरपालिकामा चार अर्ब ५६ करोड ३१ लाख चार हजार लेखापरीक्षण गरिएकोमा दुई करोड ५६ लाख ३६ हजार अर्थात ०.५६ प्रतिशत बेरुजु रहेको छ । २०७८÷०७९ मा यस पालिकामा चार करोड २८ लाख ५७ हजार बेरुजु रहेको थियो । 

त्यस्तै यस अघि सबैभन्दा बढी बेरुजु आएको लम्कीचुहा नगरपालिकाले यो वर्ष भने बेरुजु घटाएको छ । लम्कीचुहा नगरपालिकामा परिक्षण गरिएको दुई अर्ब ६० करोड ७५ लाख एक हजार मध्ये १.५३ प्रतिशत अर्थात चार करोड ११ लाख बेरुजु देखिएको छ । २०७८÷०७९मा सबै भन्दा बढी लम्कीचुहा नगरपालिकामा १४ करोड ११ लाख १० हजार बेरुजु रहेको थियो । 

गौरीगंगा नगरपालिकामा एक अर्ब ८१ करोड ३१ लाख ७३ हजार लेखापरिक्षण गरिएकोमा ३ करोड ५६ लाख ३४ हजार अर्थात १.९७ प्रतिशत बेरुजु देखिएको छ । २०७८÷०७९मा यस पालिकामा सात करोड ५४ लाख ४५ हजार बेरुजु रहेको थियो । 

घोडाघोडी नगरपालिकामा दुई अर्ब ३७ करोड १० लाख ८७ हजार लेखापरिक्षण गरिएकोमा दुई करोड ९६ लाख २१ हजार अर्थात १.२५ प्रतिशत बेरुजु देखिएको छ । २०७८÷०७९ मा यस पालिकामा दुई करोड ८१ लाख ५५ हजार बेरुजु रहेको थियो ।

टिकापुर नगरपालिकामा दुई अर्ब ४१ करोड दुई लाख ६ हजार लेखापरीक्षण गरिएको मध्ये २२ करोड एक लाख १५ हजार अर्थात ०.९३ प्रतिशत बेरुजु देखिएको छ । २०७८÷०७९ मा यस पालिकामा पाँच करोड ९१ लाख ३१ जहार बेरुजु देखिएको थियो । 

भजनी नगरपालिकामा एक अर्ब ७४ करोड ३१ लाख ७ हजार लेखापरीक्षण गरिएकोमा ३ करोड ९० लाख ८० हजार अर्थात २.२४ प्रतिशत बेरुजु देखिएको छ । २०७८÷०७९मा यस पालिकामा नौ करोड ४० लाख ५३ हजार बेरुजु देखिएको थियो । 

चुरे गाउँपालिकामा ९५ करोड ४० लाख ८१ हजार लेखापरीक्षण गरिएकोमा दुई करोड ८५ लाख ७७ हजार अर्थात तीन प्रतिशत बेरुजु देखिएको छ । २०७८÷०७९मा यस पालिकामा तीन करोड १९ लाख ९४ हजार बेरुजु देखिएको थियो । 

जानकी गाउँपालिकामा एक अर्ब ५० करोड ११ लाख ९३ हजार लेखापरीक्षण गरिएकोमा एक करोड ८६ लाख तीन हजार अर्थात १.२४ प्रतिशत बेरुजु देखिएको छ । २०७८÷०७९ मा यस पालिकामा तीन करोड ६६ लाख ९६ हजार बेरुजु देखिएको थियो । 

बर्दगोरिया गाउँपालिकामा एक अर्ब ४१ करोड ८८ लाख १५ हजार लेखापरीक्षण गरिएकोमा दुई करोड ८५ लाख ५९ हजार अर्थात २.०१ प्रतिशत बेरुजु देखिएको छ । २०७८÷०७९मा यस पालिकामा सात करोड २७ लाख ४१ हजार बेरुजु देखिएको थियो । 

मोहन्याल गाउँपालिकामा एक अर्ब ७९ करोड तीन लाख ६२ हजार लेखापरीक्षण गरिएकोमा तीन करोड ९१ लाख ८२ हजार अर्थात ३.६३ हजार बेरुजु देखिएको छ । २०७८÷०७९मा यस पालिकामा चार करोड ७५ लाख एक हजार बेरुजु देखिएको थियो । 

सार्वजनिक वित्तीय प्रशासनको प्रत्येक वर्ष बेरुजु बढ्दै जानु आर्थिक पालनाको स्थिति कमजोर रहेको महालेखा परीक्षकको कार्यालयले जनाएको छ ।

वित्तीय स्रोत व्यवस्थापन, बजेट तर्जुमा, कार्यान्वयन लेखाङ्कन र प्रतिवेदन प्रणालीमा सुधार गर्नु आवश्यक ६१ औँ वार्षिक प्रतिवेदनमा उल्लेख गरिएको छ ।

ऐन नियम अनुसार बजेट खर्च नहुनु, दबाबमा बजेट खर्च हुनु र आर्थिक अनुशासन कायम गर्न नसक्दा स्थानीय तहमा बेरुजु रकम बढ्दै गएको हो ।