क्वारेन्टिनबाट भागेका व्यक्ति मृत अवस्थामा भेटिए

धनगढी

 कैलालीको गोदावरी नगरपालिका स्थित क्वारेन्टिनबाट भागेका एक जना व्यक्ति मृत फेला परेका छन् । जिल्लाको गोदावरी नगरपालिका–८ स्याउले घर भएका ४५ बर्षे शेरबहादुर आउजी वडा नमबर–८ कै हरिनगर भन्ने स्थानमा मृत फेला परेका प्रहरीले जनाएको छ ।

 मृत भेटिएका आउजी यही साउन एक गते मात्रै भारतबाट आएर क्वारेन्टिनमा बसेको जिल्ला प्रहरी कार्यालय कैलालीका प्रहरी नायव उपरीक्षक प्रतिक विष्टले बताए ।

 आउजी गोदावरी–८ कै गोलादेवी विद्यालयमा स्थापना गरिएको क्वरिन्टिनमा बस्दै आएका थिए । उनी आइतबार  बिहानै क्वारेन्टिनबाट भागेका थिए । प्रहरी नायव उपरिक्षक विष्टले हाल मृत फेला परेका आउजीको अनुसन्धान भइरहेको बताए ।