नागरिक उन्मुक्तिकी अध्यक्ष रन्जितालाई बहुमतले हटायो संसदिय दलको नेताबाट, गंगा चौधरी बने संसदिय दलका नेता

नागरिक उन्मुक्ति पार्टीकी अध्यक्ष रन्जिता श्रेष्ठलाई सो पार्टीको संसदिय दलको नेताबाट हटाइएको छ । आइतबार बसेको नागरिक उन्मुक्ति पार्टीको संसदीय दलको बहुमत सदस्यहरुको बैठकले श्रेष्ठलाई संसदीय दलको नेताबाट हटाएको हो ।

बैठकले सघीय सांसद गंगा चौधरीलाई संसदीय दलको नेता चयन गरेको छ । सांसद चौधरी  नागरिक उन्मुक्ति पार्टीका संस्थापक रेशम चौधरी निकट हुन् ।

संसदिय दलका नेता चयन भएका चौधरी यसअघि प्रमुख सचेतक थिए । गंगाराम संसदिय दलको नेता चयन भएपछि प्रमुख सचेतकको जिम्मेवारी लालवीर चौधरीलाई दिने निर्णय बैठकले गरेको छ ।  लालवीर चौधरी रेशम चौधरीका बुवा हुन् ।

नाउपा केन्द्रमा चार सांसद छन् । ती मध्ये अरुण चौधरी। लालबीर चौधरी र गंगा चौधरीको बैठकमा सहभागिता रहेको छ ।  बैठकमा पार्टी अध्यक्ष रन्जिता श्रेष्ठको सहभागिता थिएन ।