बजेटबारे छलफल नै नभएर सुदुरपश्चिमको बजेट अधिवेशन अन्त्य

कैलाली ।  आफैले ल्याएको बजेटबारे छलफल नै नगरेर सुदुरपश्चि प्रदेश सरकारले प्रदेश सभाको बजेट अधिवेशन अन्त्य  गरेको छ ।  प्रदेश सरकारको सिफारिशमा सुदुरपश्चिम प्रदेश प्रमुख नजिर मियाँले बिहीबार राति १२ बजेदेखि लागु हुने गरि जारी बजेट अधिवेशन अन्त्य गरेका हुन् ।

प्रदेश प्रमुखले संविधानको धारा १८३ को उपधारा २ अनुसार चालु अधिवेशन अन्त्य गरेको पत्र प्राप्त भएको प्रदेश सभा सचिवालयका सचिव देवबहादुर बोगटीले जानकारी दिए ।

असार १ गते प्रदेश सरकारले बजेट ल्याए पनि प्रदेश सभामा बजेटबारे छलफल नै  भएको छैन ।

काठमाण्डौमा रहेका प्रदेश प्रमुख  मियाले काठमाण्डौबाट नै  बजेट अन्त्यको निर्णय  गरेका हुन् ।  गत असार २९ गतेदे देखि नै मिया काठमाण्डौमा  छन् ।