कैलाली र कञ्चनपुरबाट लागूूऔषधसहित ६ जना पक्राउ

धनगढी ।  कञ्चनपुर र कैलालीबाट लागूूऔषधसहित ६ जना पक्राउ परेका छन्।

कञ्चनपुरको भीमदत्त नगरपालिका–११ होल्डिङ चौराहबाट भीमदत्त - ७ बस्ने २० वर्षीय जितेन्द्र बोहरा समेत दुई जनालाई शुुन्य दशमलव ९३ ग्राम लागूऔषधसहित इलाका प्रहरी कार्यालय गड्डाचौकी, कञ्चनपुरबाट खटिएको प्रहरी टोलीले पक्राउ गरेको हो।

यसैगरी, भीमदत्त नगरपालिका–७ हल्दुखालबाट २० वर्षीय कौसल महरा, २५ वर्षीय सौरभसिँह र २४ वर्षीय मनोज सिँहको साथबाट शुुन्य दशमलव ६७ ग्राम लागूऔषधसहित तीनै जनालाइ जिल्ला प्रहरी कार्यालय कञ्चनपुर र लागू औषध नियन्त्रण व्युरो शाखा महेन्द्रनगर, कञ्चनपुरबाट संयुक्त रुपमा खटिएको प्रहरी टोलीले नियन्त्रणमा लिएको हो।

यस्तै कैलालीको धनगढी उपमहानगरपालिका–१३ का २६ वर्षीय अनिल राना लागूऔषधसहित पक्राउ परेका छन्।

इलाका प्रहरी कार्यालय मालाखेती,कैलालीबाट खटिएको प्रहरी टोलीले गोदावरी नगरपालिका–५ गेटा बजारबाट रानालाई २०० मिलिग्राम लागूऔषध खैरो हेरोईन जस्तो देखिने धुलो पदार्थ सहित नियन्त्रणमा लिएको हो।