सुशासन कायर्न गर्न ४६ बुदे सुझाव, सुझावको कार्यान्लयन तत्काल शुरु हुन्छ : मुख्यमन्त्री शाह

धनगढी । सुशासन प्रवद्र्धन, भ्रष्टाचार नियन्त्रण तथा बित्तीय अनुशासन सहित सेवा प्रवाह सुदृढीकरण सम्वन्धी अध्ययन कार्यदलले मुख्यमन्त्री कमल बहादुर शाहलाई  अध्ययन प्रतिवेदन बुझाएको छ ।

कार्यदलले अध्ययनका लागि पाएको १५ औ दिनको दिन बुधबार कार्यदलका संयोजक मुख्यमन्त्री कार्यालयका प्रदेश सचिव  बेद प्रसाद भण्डारीले मुख्यमन्त्री  शाहलाई प्रतिवेदन बुझाएका हुन् ।

अध्ययन प्रतिवेदन बुझ्दै मुख्यमन्त्री शाहले प्रतिवेदनको कार्यान्वयन तत्काल शुरु गरिने बताए ।

कार्यदलले प्रदेशमा सुशासन प्रवद्र्धन, भैष्टाचार नियन्त्रण र बित्तीष् अनुशासन कायम गर्न ४६ बुदामा सुझाव दिएको छ ।

गत असार २१ गते मुख्यमन्त्रीमा सपथ लिएकै दिन मुख्यमन्त्री कमल बहादुर शाहले सुशासन  प्रवद्र्धन, भैष्टाचार नियन्त्रण र बित्तीय अनुशासन सहितका सेवा प्रवाह सुदृढीकरणका लागि सुझा दिन अध्ययन कार्यदल गठन गरेका थिए । सबै मन्त्रालयको प्रतिनिधित्व रहेको कार्यदलले १५ दिको समय पाएको थियो ।

संयोजक भण्डारीले प्रतिवेदनमा  सुशासन प्रवद्धृनका लागि ऐन नियम, कार्यविधिमा गर्नु पर्ने पक्ष, संस्था संरचना सुधार गर्ने सवालमा गर्न सक्ने बिषय, सुचना प्रविधिका सुधार र पारदर्शिताका लागि गर्न सक्ने कुरा समेटिएको बताए ।

सेवा प्रवाहमा सुधार गर्ने पक्ष, योजना तर्जुमा र कार्यान्वयनमा गर्न  सकिने पक्ष, अनुगमन  र मुल्यांकन प्रकृया र पद्धतिमा के कुरामा सुधार   गर्न सकिने पक्ष पनि प्रतिवेदनमा समेटिएको भण्डारीले बताए ।

संयोजक भण्डारीका अनुसार बजेटलाई सदुपयोग गर्दै बेरुजु पछ्र्यौट  गर्ने सन्दर्भमा प्रदेशले चाल्नु पर्ने कदम, शासकीय पक्षमा सुधार गर्दै नागरिक सुखानुभुतिको लागि गर्नु पर्ने पक्ष र सुशासन प्रवद्र्धनको लागि हाम्रा कदम र जनशक्तिगत  अन्य सुधारका बिषय समेटिएका छन् ।

प्रतिवेन बुझेपछि मुख्यमन्त्री शाहले तत्काल कार्यान्वयन हुन सक्ने बिषय तत्काल कार्यान्वयन गरिने बताए । मुख्यमन्त्री शाहले सुशासन प्रवद्र्धनका लागि  कानुन निर्माण गर्नु पर्ने भएको सो कार्य पनि तत्काल अघि बढाइने बताए ।