लागुऔषधसहित दुई युवती पक्राउ

धनगढी पोष्ट

शनिबार, ०५ असोज २०८१ मा प्रकाशित

धनगढी । कैलालीको धनगढीमा लागुऔषधसहित २ युवती पक्राउ परेका छन्। धनगढी उपमहानगरपालिका–८ धनगढीगाँउबाट २ युवती लागुऔषधसहित पक्राउ परेकी हुन्।

जिल्ला प्रहरी कार्यालय कैलालीको अपराध अनुसन्धान समूह र वडा प्रहरी कार्यालय धनगढीबाट खटिएको प्रहरी टोलीले धनगढी–८ की २७ वर्षीया राममति राना र २२ वर्षीया करिना राना १ ग्राम ७० मिलिग्राम लागुऔषधसहित पक्राउ परेकी हुन्।

शुक्रबार लागुऔषधसहित दुबै जनालाई नियन्त्रणमा लिएको प्रहरीले जनाएको छ।