यातायात कार्यालयको स्थापनाको माग गर्दै  लम्कीमा प्रदर्शन

लम्की

   कैलालीको लम्कीमा यातायात व्यवस्था कार्यालयको मागद गर्दै लम्कीमा  जुलुश प्रदर्शन गरिएको छ ।  कैलाली जिल्लाको पुर्वी क्षेत्रहरूलाई पायक पर्ने स्थान लम्की नै रहेको भन्दै  यातायात कार्यालयको माग गरिएको  हो ।

   राजनीतिक दल, व्यवसायी, संघ संस्थाका प्रतिनिधि, व्यापारी, शिक्षक, विद्यार्थीको सहभागिता रहेको  प्रदर्शन  लम्की चौकमा पुगेर सभामा परिणत भएको थियो ।

  कैलाली जिल्लाका पुर्वी क्षेत्रका पालिकाहरू टीकापुर नगरपालिका, जानकी गाउँपालिका, लम्कीचुहा नगरपालिका, बर्दगोरीया गाउँपालिका, जोशीपुर गाउँपालिका र घोडाघोडी नगरपालिकालाई पायक पर्ने स्थाने लम्की नै रहेको र यातायात व्यवस्था कार्यालयका लागि आवश्यक वित्तिय संस्था, थुपै्र बिमा कम्पनीहरू लम्कीमै रहेको भन्दे उनीहरुले यातायात व्यवस्था कार्यालय लम्कीमा स्थापना गर्न माग गरेका छन् ।