डेरी व्यवसायलाई उद्यमशिलतासँग जोड्नु पर्छ : पाठक

धनगढी । सुदुरपश्चिम प्रदेश सभा सदस्य धर्मराज पाठकले  डेरी व्यवसायलाई उद्यमशिलतासँग जोडेर अघि बढाउनु पर्ने बताएका छन् । अबको समय उद्यमशिलताको नै हो । नेपाल डेरी एशोसिएसन सुदुरपश्चिम प्रदेश तथा जिल्ला कमिटीले संघले बिहीबार  आयोजना गरेको दशै, तिहार तथा छडको शुभकामना कार्यक्रममा  प्रदेश सभा सदस्य पाठकले भने ‘डेरीमा उद्यमशिलताको बिकास गर्न पाउडर प्लान्ट आवश्यक छ । तर यो बनउदा पर्याप्त अध्ययन अनुसन्धान गर्न जरुरी छ ।

सुदुरपश्चिम प्रदेशमा उद्यमलिताको बिकास गर्न उत्पादनमुलक अनुदान निति बिकास गर्नु पर्ने प्रदेश सभा सदस्य पाठकले बताए ।  ‘धेरै चीजमा अनुदान गएको सुनिन्छ, तर त्यसले  उत्पादन बढाएको सुनिदैन ।’ पाठकले भने ‘त्यसैले अब अनुदानको मोडालिटी परिवर्तन गर्नु पर्छ कि ? उत्पादनमुलक क्षेत्रमा मात्र अनुदानको निती लिनु पर्छ कि ?’

बजेट बिनियोजन गर्दा प्रदेशको प्राथमिकताको क्षेत्रमा बजेट छुट्याइनु पर्ने पाठकले बताए ।  प्रदेश सरकारले सम्वन्धित कार्यालयहरुसँगको छलफलमा प्रदेशका प्राथमिकताहरु निर्धारण गर्ने गरेको उल्लेख गर्दै पाठकले भने ‘प्रदेशको प्राथमिकताको क्षेत्रमा बजेट छुट्याइनु पर्छ । 

प्रदेश सभा सदस्य पाठकले   ‘प्राथमिकता निर्धारण गर्दा हामी (प्रदेश सभा सदस्यहरु )  नबोलाइने गरेको उल्लेख गर्दै भने  ‘तर पनि नितिगत तहमा कुरा उठाउनु पर्ने छ भने भन्नुहोला, म पहल गर्नेछु ।’