धनगढीमा जारी रामलीलामा भोलि रावण जलाइने

धनगढी । कैलालीको धनगढी खुल्ला मञ्चमा जारी रामलीलामा रावणलाई जलाइने भएको छ । द टुविम्स अ कम्प्लीट इन्स्टिच्युट अफ डान्स धनगढीको आयोजनामा असोज २० गतेदेखि रामलीला पनि सुरु भएको हो ।

उत्सवका निर्देशक तथा कार्यक्रम संयोजक केशव बलायरका अनुसार जारी रामलीलामा भोलि (सोमबार) रावणलाई जलाइने छ । नयाँ पीढीलाई समेत धर्म संस्कार सिकाउने र संस्कृतिलाई संरक्षण गर्ने उद्देश्यले कार्यक्रमको आयोजना गरिएको उनले बताए । 

आयोजकले सोही स्थानमा असोज १५ गतेदेखि कार्तिक ३ गतेसम्म विजय दशमीको उपलक्ष्यमा सन्ध्याकालीन धार्मिक तथा संस्कृति उत्सव–२०८१ को समेत आयोजना गरेको छ ।

मेलामा प्रवेश निःशुल्क रहेको र विभिन्न खेल सामाग्री तथा स्टलहरू समेत रहेको आयोजकले जनाएको छ ।