अछामको मेल्लेखमा एकै वडामा १६ जनामा कोरोना संक्रमण

धनगढी

पछिल्लो २४ घण्टामा सुदूरपश्चिम प्रदेशमा १७ जनामा कोरोना संक्रमण पुष्टि भएको छ । अछामको मेल्लेख गायँपालिकाको एकै वडामा १६ जनामा कोरोना संक्रमण पुष्टि भएको छ ।

सेती प्रादेशिक अस्पतालको प्रयोगशालामा भएको परीक्षणमा अछामको मेल्लेख गाउँपालिकाको एकै वडाका १६ जना र दार्चुलाका १ जना गरी १७ जनामा कोरोना संक्रमण पुष्टि भएको हो । अस्पतालले जारी गरेको बिज्ञप्ति अनुसार मेल्लेख गाउँपालिकाको वडा नम्बर ८ का ३ महिला र १३ पुरुष तथा दार्चुलाको शैल्यशिखर नरगपालिका वडा नम्बर ६ गोकुलेश्वरका एक ५ बर्षिय बालकमा कोरोना संक्रमण पुष्टि भएको हो ।

प्रादेशिक अस्पतालको प्रयोगशालामा पछिल्लो २४ घण्टामा १ सय ९७ नमुना परीक्षण गरिएको थियो ।