जिसस कैलालीको प्रमुखमा एमालेले काँग्रेस उम्मेदवारलाई समर्थन गर्ने

धनगढी । जिल्ला समन्वय समिति कैलालीको प्रमुखमा नेकपा एमालेले काँग्रेस उम्मेदवारलाई समर्थन गर्ने भएको छ ।

मंसिर १६ गते हुने समन्वय प्रमुखको निर्वाचनमा काँग्रेसका उम्मेदवारलाई समर्थन गर्न सत्ता दल नेकपा एमाले र काँग्रेसबिच सहमति भएको हो ।

नेपाली काँग्रेस कैलाली सभापति नारायण दत्त भट्ट, उपसभापति खेमराज डङ्गौरा, सचिव केशव मिश्र र नेकपा एमालेका नारदमुनि राना, कैलाली अध्यक्ष यज्ञराज डुङ्गाना, सचिव ममता चौधरीलगायतका नेताबिच सो सहमति भएको काँग्रेस सचिव मिश्रले जानकारी दिए ।

काँग्रेसले प्रमुखमा टीका कुमारी चौधरी (भुल) लाई उम्मेद्वार बनाउने निर्णय गरिसकेको छ ।

उनको उम्मेदवारी दर्तामा धनगढी उपमहानगरकी उपप्रमुख तथा नेकपा एमालेकी नेतृ  कन्दकला राना प्रस्तावक रहेकी छिन् ।
 प्रदेश समितिमा सिफारिस गरेको छ ।

टिका कैलारी गाउँपालिका वडा नम्बर २ बाट दलित महिला सदस्यमा निर्वाचित भएकी थिइन् । 

२०७९ साल पुस २३ गते समन्वय प्रमुख पदम कलेलको निधन भएपछि कार्यवाहक प्रमुखको भरमा समन्वय चलिरहेको थियो ।

यहाँ नेपाली काँग्रेस, नेकपा एमाले, नेकपा माओवादी केन्द्र, नागरिक उन्मुक्ति पार्टी, स्वतन्त्रका जनप्रतिनिधिको मतदान गर्न पाउने छन् ।