धनगढीका पाच सडकमा स्ट्रिप लाइट संचालन

धनगढी उपमहानगरपालिकाले थप पाँच सडकमा स्ट्रिप लाइट संचालन गरेको छ । उपमहानगपरपालिकाकी उपप्रमुख कन्दकला कुमारी रानाले  धनगढीको खुला मन्चका अगाडी लाइट बालेर स्ट्रिप लाइटको शुरुआत गरेकी हुन् ।

उपमहनगरपालिकाका इलेक्ट्रिकल इन्जिनियर  किशन शाहका अनुसार थप पाच सडकमा  स्ट्रिप  लाइट बालिएको हो  । शहिदगेट देखि क्याम्पसचोक,  कयाम्पसचोकदेखि क्याम्पस गेटसम्म,  एसपीए कलेजदेखि गुल्म रोड,  हनसपुरको पीपल चौतारादेखि दहाल टोलसम्म र मालपोत रोड, एलचोकदेखि राष्ट बैंक चोक सडकमा  स्ट्रिप  लाइट संचालन गरिएको हो ।

शुक्रबार  ४ शय ५८ पोलमा स्ट्रीट बालिएको हो । यसअघि चौराहदेखि कैलाली पुलसम्म करि एक शय पोलमा स्ट्रिप  लाइट  जडान भैसकेको छ ।

उपप्रमुख कन्दकला रानाले उज्याले धनगढी बनाउने योजना अन्तर्गत स्ट्रीट लाइट सँचालन गरिएको बताइन् । उपप्रमुख रानाले उज्यालो अभियानलाई धनगढीका सबै वडामा क्रमशः पुरयाइने बताइन् ।