सेती प्रादेशिक अस्पतालमा सुत्केरीको मृत्यु

धनगढी । धनगढीको सेती प्रादेशिक अस्पतालमा सुत्केरी महिलाको मृत्युु भएकोे छ । लम्कीचुहा नगरपालिका- ८ घर भएकी २५ वर्षीया टिकेश्वर शाहीको बुधबार मृत्यु भएको प्रहरीले जनाएको छ ।

टिकेश्वरले मंगलबार शल्यक्रिया मार्फत शिशु (छोरा) लाई जन्म दिएकी थिइन् ।

शिशुलाई जन्म दिएपछि गम्भीर बनेकी शाहीको उपचारका क्रममा मृत्यु भएको जिल्ला प्रहरी कार्यालयका प्रहरी नायब उपरीक्षक कबिन्द्रसिंह बोहराले बताए ।

उनकाअनुसार शिशु भने सकुशल छन् । मृतकको शव परीक्षणका लागि प्रादेशिक अस्पतालको शव गृहमा राखिएको छ ।