टिम ११ शारदा क्रीकेट लिग चैत्रमा

धनगढी । टिम ११ शारदा क्रीकेट लिग सुदुरपश्चिम प्रदेश स्तरीय सिनियर क्रीकेट प्रतियोगिता आगामी चैत्रमा हुने भएको छ।

नेपालको पहिलो फेन्टासी एप टिम ११ को मुख्य प्रायोजन  र शारदा विद्या निकेतन गोदावरी नगरपालिका वडा नम्बर  ८ स्याउले बजार कैलालीको आयोजनामा प्रतियोगिता हुनलागेको हो।

प्रतियोगितामा कुल १२ सिनियर क्रीकेट टिमको सहभागिता रहनेछ।प्रतियोगिता लिग कम नक आउट फर्म्याटमा संचालन हुनेछ।

प्रतियोगितामा बिजेता, उपबिजेता, सर्बोत्कृष्ट र उत्कृष्ट खेलाडीहरुलाई नगद पुरस्कारका साथै ट्रफी,मेडल र प्रमाणपत्र प्रदान गरिनेछ।

सुदुरपश्चिम् प्रदेशमा क्रीकेटको माहोल तताईराख्न यो प्रतियोगिता संचालन हुन गइरहेको शारदा विद्या निकेतनका प्रबन्ध निर्देशक रामचन्द्र शाहीले बताए ।

प्रतियोगिता निर्देशक एवं शारदा विद्या निकेतनका संयोजक कृष्ण पुजाराका अनुसार  प्रतियोगिताले सुदुरपश्चिम प्रदेशको क्रीकेट बिकासमा टेवा पुग्नेछ।