लागुऔषध, आत्महत्या र सडक दुर्घटना चुनौती : गृहमन्त्री लेखक

महेन्द्रनगर । गृहमन्त्री रमेश लेखकले समाजमा लागु औषध सेवन, आत्महत्या र सडक दुर्घटना चुनौतीपूर्ण रहेको बताएका छन् ।  

शुक्रबार कञ्चनपुरको महेन्द्रनगरमा एन प्याब्सन कञ्चनपुरले गरेको खेल महोत्सव सम्बोधन गर्दै गृहमन्त्री लेखकले अहिले मुख्य चुनौतीका रूपमा लागु औषध सेवन, आत्महत्या र सडक दुर्घटना रहेको बताएका हुन् । 

पछिल्लो समय लागु औषध सेवन भयावह बन्दै गएको बताउँदै यसको न्यूनीकरणका लागि विद्यालयस्तरबाट अभियान सञ्चालन गर्नुपर्ने आग्रह गरे ।

 ‘लागु औषधबाट समाजको मुक्तिका लागि अभियान सञ्चालन गर्नुपर्ने छ । यसका लागि एन प्याब्सनले विद्यालयस्तरबाटै सुरुवात गरोस्’, गृहमन्त्रीको भनाइ छ ।