नेपालगन्ज स्थित आन्तरिक राजश्वका ४ कर्मचारी र परिवारका ५ सदस्यमा कोरोना पुष्टि

नेपालगन्ज

 नेपालगन्ज स्थित आन्तरिक राजस्व कार्यालयका थप ४ जना कर्मचारी र कर्मचारीका  परिवारका ५ सदस्य  सहित ९ जनामा कोरोना संक्रमण पुष्टि भएको छ ।

आन्तरिक राजस्व कार्यालय परिसरमा संकलन गरिएका स्वाबबाट बिहीबार बिहान थप ११ जनामा कोेरोना संक्रमण पुष्टि भएको जिल्ला स्वास्थ्य कार्यालय बाँकेका कोरोना फोकल पर्सन नरेशबाबु श्रेष्ठले बताए ।

   बिहीबार कोरोना पुष्टि भएका मध्य एक जना नायब सुब्बा र एक जना शाखा अधिकृतमा यसअघि नै कोरोना पुटि भएको थियो ।

   साउन १० गते एक जना शाखा अधिकृतलाई कोरोना संक्रमण भएपछि त्यसको दोश्रो दिन  आन्तरिक राजस्व कार्यालय परिसरमा ५४ जना कर्मचारी र परिवारका सदस्यको स्वाब संकलन गरिएको थियो । १० जना आन्तरिक राजस्व बाहेकका व्यक्तिको स्वाब संकलन भएको थियो ।

   कार्यालय स्रोतका अनुसार पति पत्नी दुबैलाई कोरोना भएको छैन । संक्रमण भएका पुरुषका पत्नीलाई कोरोना भएको छैन भने संक्रमित पत्नीका पतिलाई पनि कोरोना देखिएको छैन । आन्तरिक राजस्वमा कुल ११ जना संक्रमित भएकोमा ६ जना कर्र्मचारी र ५ जना परिवारका सदस्य हुन् ।