धनगढी–अत्तरिया सडकका कारण पानी निकास नहुँदा १५ सय घर डुवानमा

धनगढी

 निर्माणाधिन धनगढी–अत्तरिया ६ लेन सडकका कारण पानी निकास हुने स्थान पुरिँदा धनगढी वडा नम्बर–३ मा मात्रै झण्डै एक हजार पाँच सय घर डुवानमा परेको छन् ।

 वडानम्बर–३ को पानी गुरुद्वारा मार्ग र राष्ट्रीय वाणिज्य बैंङ्क हुँदै वडा नम्बर–४ मा तथा  मिलनचोक हुँदै वडा नम्बरवडा २ बाट निकास हुनेगरेकोमा ६ लेन सडक निर्माण संगै पानी निकास हुने मार्ग खुम्चिदा यस बर्ष झनै डुवानमा परेको वडा अध्यक्ष बलबहादुर एरले बताए ।

 ‘यस अघि पनि वडा नमबर–३ को विशालनगर र मित्रनगर क्षत्र डुवानमा पर्दै आएका थिए’ वडा अध्यक्ष ऐरले भने–‘तर ६ लेन सडक निर्माण संगै पानी निकास हुने स्थान खुम्चिदा यस बर्ष झनै डुवानमा परेको छ ।’ ६ लेन सडक निर्माण संगै निर्माण गरिएका कल्भर्ट जकिमनको सतह भन्दा ३ फिट उचाइमा निर्माण गरिएका कारण सहजै पानी निकास हुन नसकेको र त्यसले वडा नम्बर–३ डुवानमा परेको वडा अध्यक्ष ऐरले बताए ।

 उनका अनुसार हाल वड नम्बर–३ मा मात्रै एक हजार पाँच सय बढी घर डुवानमा परेका छन् । पानी निकासका लागि अबरोध भएका स्थानमा डोजरले माटो निकालिएको छ । लगातारको बर्षा पछि पानी निकास नहुँदा धनगढी–३ मै सञ्चालित भूमी व्यवस्था, कृषि तथा सहकारी मन्त्रालय, विद्युत प्राधिकरण धनगढी वितरण शाखा र गुणस्तर तथा नापतौल कार्यालय धनगढी, कैलाली क्षत्रपनि जलमग्न भएका छन् । 

 मंगलबार राती देखी भएको अविरल बर्षाका कारण धनगढीका अन्य क्षत्रपनि जलमग्न भएका थिए । पानी निकास हुने स्थान अतिक्रमण गर्दै जथाभावी घर निर्माण गरिंदा डुवान बढ्न थालेको हो । वडा प्रहरी कार्यालय धनगढीका अनुसार धनगढी उप– महानगरपालिकाका ३ को पुरानो भन्सार क्षेत्र, आन्तरिक राजस्व कार्यालय पछिाडीको क्षत्र, चटकपुर क्षत्रे, धनगढी–५ को हसनपुर, शिवनगर क्षेत्र डुवानमा परेका थिए ।