कैलालीमा लागूऔषधसहित तीन जना पक्राउ

धनगढी । कैलालीमा लागूऔषधसहित तीन जना पक्राउ परेका छन्। जिल्लाको धनगढी उपमहानगरपालिका–७ मनेहराबाट जिल्ला प्रहरी कार्यालय कैलालीबाट खटिएको प्रहरी टोलीले सोहि ठाँउ बस्ने २९ वर्षीय सचिन सिंहलाइ १७ ट्याब्लेट नाईट्राभेटसहित नियन्त्रणमा लिएको छ।

यस्तै टीकापुर नगरपालिका–९ खक्रौला सडक खण्डमा प्रहरी चौकी कालाकुण्डा कैलालीबाट खटिएको प्रहरी टोलीले लम्कीचुहा नगरपालिका–१ बस्ने २१ वर्षीय समिर चौधरी र २१ वर्षकै आकाश तिमिल्सिनालाई पक्राउ गरेको छ।

यी दुबै जनालाई ४४० मिलिग्राम खैरो हिरोईनसहित नियन्त्रणमा लिई थप अनुसन्धान भईरहेको प्रहरीले जनाएको छ।